Cebuano module on
NFTs
Powered by likha

Unsa ang NFTs?

Key Takeaways
  • Ang Fungible kay mga butang nga pwede ma-ilisdan ug mga pareha nga butang.
  • Ang Non-Fungible kay mga butang nga dili ma-ilisdan o makopya
  • Ang Non-Fungible token o ang NFT kay unique nga cryptographic asset nga ga-exist sa blockchain nga dili makopya
  • Ang NFT kay pwede ma-virtually represent ug bisan unsa nga asset.

Para makasabot kung unsa ang Non-Fungible Token o NFT, kinahanglan ka makasabot unsa ang maka pa-fungible ug dili sa usa ka butang. 

Ang word nga fungible kay nagtumong sa kind sa butang nga pwede ma-ilisdan ug pareha nga item. Pananglitan, world of currencies, company shares, consumer products, ug mga day-to-day commodities sama sa oil, ug gold.

Ang 20 peso bill pwede ma-ilisdan ug lain nga 20 peso bill. Ang baril sa oil, pwede ma-ilisdan ug lain nga baril sa oil. Ang usa ka bar sa gold, ma-ilisdan pud ug lain nga bar sa gold. Ang mga fungible assets kay pwede ma-ilisdan ug pareha nga butang nga nag-retain sa ilahang value.

Karon, para makasabot sa non-fungible, hunahunaa ang imong nasabtan bahin sa fungibility unya baliha.

Bali ang non-fungible kay nagtumong sa mga butang nga dili ma-ilis ug makopya. Dili sila ma-ilisdan sa pareha nga mga butang, bersyon, o model tungod sa kalahi sa ilang pagkahimo, kalidad, o characteristic. Example sa mga non-fungible assets kay mga artwork, collectible nga baraha, real estate, second-hand nga mga awto, o bisan snowflakes!

Ang usa ka condo unit, dili ma-ilisdan ug lain nga condo unit. Ang usa ka Michelangelo painting kay dili pud ma-ilisdan ug laing Michelangelo painting. Ang movie ticket, dili ma-ilisdan ug lain nga movie ticket para laing lingkuranan. Ang value sa usa ka  non-fungible item nagbase ra sa kana nga butang mismo tungod kay unique siya ug ang fact nga wala’y duha ka non-fungible assets nga 100% nga pareho.


Karon, kung imo ni’ng sabton ang non-fungibility unya i-usa na sa cryptocurrency, mahimo na siyang Non-Fungible token or NFT: usa ka unique nga cryptographic asset nga nag-exist sa blockchain nga dili makopya. Wala gyu’y lain nga makahimo ug legit nga copy sa NFT bisan asa.

Makatag-an ba ka unsa’y best part bahin NFTs? -- Pwede gyud sila maka virtually represent sa bisan unsa nga asset!

Naa ka’y picture sa imo favorite nga lugar? Pwede kaayo ma NFT!

Naa ka’y digital artwork nga proud kaayo ka? Pwede kaayo ma NFT!

Bag-o ra ka nakadawat sa imong college diploma?

Pwede gihapon kaayo ma NFT!

Kung imo gihimo ang asset nimo nga NFT, ang non-fungibility property niya kay gadala sa assets nga ila gi-represent, nga gaseguro sa ilang originality.

Ang picture nga imo gihimo’g NFT kay one-of-a-kind na karon!

Ang imong digital artwork nga gihimo’g NFT kay dili pud makopya bisan kinsa.

Kana imong college diploma nga gihimo’g NFT kay di makawat ug laing taw.

Nindot diba? Karon, usa ta musturya ug mas lawm, tan-aw sa ta sa history ani sa sunod nga module.

SHARE
Unsa ang NFTs? History sa NFTs